Silvio Tedesco recita una poesia durante una manifestazione di poeti dialettali a Roverchiara

RICORDI

Col pensiero son tornà indrio

nei ani dela gioventù, par rinfrescare

la memoria, par gustare ancora...

Coei tempi, coel saor, che mai nol more!

Ma! El core, el me disea “no sta pensare,

lassa nare, lè meio desmentegare!” ma mi!...

Verzea i brazi, e me strenzea al cor

coel’era de la vita “primavera”.

Tuto me ridestava, e gò pensà: “ma

lassa ‘n dar, par mi no l’è pi

la primavera, “l’è l’autunno” e tanti

cari amici de gioventù, no li vedo più,

iè sepelii in un punto nero, e i dorme

el sono dela pace al Cimitero.

Ahh ricordi-ricordi, con Aldino Damiano,

ereno inseparabili, tornando dalla morosa,

insieme longo el stradon dela vale

pian, pian, con la bici a man, par far un

chilometro de strada un’ora se ghin piegava.

Me son fato coraio, e go lasà nar:

no ghe gnente da far, i ani dela gioventù

ie bei pasà, adeso ghe solo la “terza età”.